Pas pothuajse 3 orësh marrje në pyetje, ish-kryebashkiaku i Kamzës, Xhelal Mziu ka dalë nga SPAK.
Mziu u thirr në SPAK për të dëshmuar, pas një kallëzimi të bërë nga pasardhësi i tij, Rakip suli për shpërdorim detyre. Në dalje nga godina, Mziu deklaroi se Suli është i terrorizuar nga zgjedhjet e ardhsme vendore dhe se e fitoi bashkinë Kamëz vetëm me 6%, por nuk mund të thotë më shumë për shkak të sekretit hetimor.
“Rakip Suli është i terrorizuar nga zgjedhjet e ardhshëm vendore. E fitoi bashkinë me 6%. Unë u pyeta si deklarues nuk mund të jap më gjatë shpjegime për shkak të sekretit të hetimit”, ka thënë Mziu.
Në kallëzimin e tij Suli ka kallëzuar Mziun pasi dyshohet të ketë favorizuar subjekte private, që janë pajisur me leje zhvillimi dhe ndërtimi, duke mos i detyruar të kalojnë 3 përqind të sipërfaqes funksionale për banesa sociale në favor ta Bashkisë. Referuar ligjit të urbanistikës parashikon që leja me sipërfaqe 2000 m2, 3% ti kalojë bashkisë për banesa sociale.
