Në ditën e sotme kryefjala e mediave ka të bëjë me transferimin e Kounde tek Barça. Klubi katalanas vazhdon me një merkato të frikshme dhe po shndërrohet në një nga klubet më të vlefshëm në botë.
Qendërmbrojtësi 23-vjeçar francez do të prezantohet tek Barça gjatë ditës së nesërme.
Ndjekim disa nga titujt kryesorë të mediave sportive:
“Kounde është katalanas” është titulli i “Mundo Deportivo”. Barça e ka arritur marrëveshjen tashmë dhe e vetmja gjë që pret është mbërritja e lojtarit.
“Frikë për Pogba” ka shkruar gazeta italiane “La Gazzetta dello Sport”, drejtuesit e Juventusit duken të shqetësuar për demtimet e shpeshta në kohët e fundit të yllit francez. Ata tashmë kanë hedhur sytë dhe nga mesfushori i PSG, Paredes.
“Makthi i Pogba” është titulli i “Corriere dello Sport”. Para fillimit të sezonit të ri, Pogba ka marrë një dëmtim i cili pritet ta lëjë atë jasht fushave deri në Janar.
“Quotidiano Sportivo” ka shkruar “Arritja në Milan, vjen goditja”. Duket se pas shumë tentativash, transferimi për mesfushorin De Ketelaere është arritur.
“I ndriçuar” është titulli i “AS”. Kanë mjaftuar dy gjuajtje të Karim Benzemas në rikthimin e tij gjatë pjesës së parë të miqësores kundër Club America për të treguar se ai nuk është larguar kurrë.
“L’Esportiu” ka shkruar “I pandalshëm”, për paraqitjen fantastike të Dembele ndaj Juventus në miqësoren e fundit. Sulmuesi francez duket në top formë për sezonin e ri.
“Ëndrra fluturon larg” shkruan e dëshpëruar “L’Equipe”. Ekipi kombëtar francez i femrave është eleminuar nga Euro në gjysëmfinale, me rezultat 1-2 ndaj Gjermanisë.
“I nënshkruar” është titulli i “Sport”, duke iu referuar transferimit të Kounde tek Barça.
