Telenovelës verore duket se po i vjen fundi. Tensioni mes Manchester United dhe Cristiano Ronaldos është ulur përkohësisht: konfirmimi vjen nga vetë lojtari portugez i cili njofton çuditërisht rikthimin e tij në fushë me fanellën e Djajve të Kuq. Një njoftim surprizë që mund të largojë thashethemet në treg që e shohin si protagonist ish-yllin e Real Madrid dhe Juventus.
Manchester United dhe Ronaldo befasojnë: “Mbreti kthehet të dielën”
Ndërkohë, Manchester United shpalli skuadrën për miqësoren që Djajtë e Kuq do të luajnë nesër në Oslo (me fillim nga ora 13.45) kundër Atletico Madridit dhe emri i kampionit luzitanian nuk është në mesin e lojtarëve që ka në dispozicion Erik Ten Hag. Megjithatë, pasdite ishte vetë Cristiano ai që njoftoi se të dielën do të rikthehet në fushë me United në miqësoren kundër Rayo Vallecanos.
Njoftimi erdhi me një mesazh goditës në rrjetet sociale: “Mbreti luan të dielën”, ka komentuar Ronaldo në një fanpage kushtuar atij. Në më pak se 48 orë, Cr7 do të veshë sërish fanellën e United, duke pritur të kuptojë se cila do të jetë e ardhmja e pesë herë Topit të Artë.
