Nga Elton Qyno
Një shetas i Federatës Ruse është arrestuar nga prokuroria e Durrësit, pasi ka rezultuar se në telefonin e tij janë gjendur materiale pornografikeme fëmijë të mitur.
Personi i arrestuar quhet Grigory Gorbunov, dhe është pjesë e ekuipazhit të anijes së ngarkuar me qymyr, brenda së cilës u sekuestruan 49 kg kokainë. Anija dy ditë me parë dhe ekuipazhi i saj u lirua për të dalë nga kalata e portit të Durrësit, me qëllim udhëtimin drejt destinacionit.
Por njëri nga marinahrët, Rusi Grigory Gorbunov është arrestuar dhe ndaj tij është vendosur masa e sigurisë “arrest në burg”. Arrestimi i Rusit nuk është bërë për akuzën e Trafikut të lëndëve narkotike, por për Pedofili, vepër penale kjo që parashikohet në nënin 117 të Kodit Penal.
Në telefonin e marinarit Rus, prokuroria ka gjetur video dhe foto me përmbajtje pornografike të fëmijëve të ndryshëm. Nisur nga kjo situatë ai është arrestuar. Ndërsa për arrestimin e tij mësohet të jetë dhe ambasada e Federatës Ruse në Tiranë.
Shtetasi Rus nuk e ka pranuar akuzën, duke treguar se telefonin e kishte blerë në një port ku kishin qëndruar me anije dhe nuk dinte se çfarë përmbajtje kishte në memorien e tij.
Rasti u zbulua nga prokuroria e Posaçme SPAK, e cila ka kçyrur aparatet e telefonit të marinarëve me qëllim verifikimin e tyre për trafikun e kokainës nga Amerika Latine në Durrës.
Por kur ka konstatuar se në telefonin e Grigory Gorbunov me profesion inxhinier, kishte përmbajtje pornografike, është vendosur që materiali t’i përcillet prokurorisë së Durrësit, e cila më pas ka proceduar me arrestimin e shtetasit Rus.
