Ndërkohë që ditët kalojmë dhe jemi afër gushtit, merkato verore vazhdon të zbehet dita ditës. Skuadrat kanë filluar të stërviten intesivisht pasi nisja e sezonit të ri është afër dhe na ndajnë më pak se dy javë.
Më poshtë ndjekim disa nga titujt kryesorë të mediave sportive për ditën e sotme:
“Sport” ka shkruar për një ëndërr të katalanasve “Transferimi i Messit”. Laporta tashmë është duke punuar për rikthimin e yllit argjentinas për sezonin e ardhshëm.
“Ja ku janë sërish”, me këtë titull hapet gazeta torineze “Tuttosport”. Protagonistët e ‘kopertinës’ së sotme janë Pjanic dhe Vlahovic. Serbi po përgatitet të rikthehet në fushë në testin miqësor ndaj Realit, ndërsa boshnjaku është kthyer në plan të parë për median dhe kërcënues Leandro Paredes.
“La Gazzetta dello Sport” ka shkruar “Të paprekshmit”, për dyshen sulmuese të Interit, Lautaro dhe Lukaku. Në dy sezonet së bashku ata kanë luajtur gjithmonë dhe konsiderohen të pazëvëndësueshëm.
“Raspadori, po për Napolin”, është titulli i “Corriere dello Sport”. Lojtari ka vendosur: ai dëshiron Champions League dhe klubi blu është gati t’i garantojë atij një pagë prej 2.5 milionë në sezon dhe 5 vite kontratë.
Gazeta madrilene “AS” e kthen fokusin sigurisht tek Real Madrid me titullin “Shpejtësi”. Madridi luan miqësoren e fundit para-sezonale kundër Juventusit. Ancelotti do të provojë njëmbëdhjetëshen që do të luajnë Superkupën kundër Eintracht më 10 gusht.
“Barça e ëndrrave” është titulli i katalanases “Mundo Deportivo”. Xavi tashmë ka atë që kërkoi: dy titullarë për pozicion në një Barçë që edhe një herë të emocionon.
“Do ta sjellim kupën në shtëpi” është titulli i britanikes “Mirror Sport”. Kombëtarja Angleze e femrave do të përballet këtë të dielë ndaj Gjermanisë për finalen e ‘Euro 2022’. Anglezet janë favorite dhe optimiste se do e fitojnë trofeun e lavdishëm.
