Deputeti i Partisë Demokratike, Kreshnik Çollaku, ka rrëfyer tmerrin që i kanë parë sytë ditën e sotme në plazhin e Potamit në Himarë, ku një skaf me drejtues një oficer policie, përplasi për vdekje një vajzë 7 vjeçare.
Përmes një postimi në “Facebook”, Çollaku tregoi se fëmija ndodhej në breg dhe familjarët ishin pranë sa, duke e përshkruar të gjithë ngjarjen si “horror”.
Më tej deputeti i ka bërë apel insitucioneve që të ndalojnë përdorimin e këtyre skafeve në breg të detit.
“Vetem 20 metra larg vendit ku ndodhesha une sot jam deshmitar i nje tmerri ne brigjet e Himares ne Potam.
Fjalet ngushelluese,keqardhja shkarkimet nga insitutucionet e shtetit nuk mjaftojne per tragjedine e sotme te Himares ku nje vajze 5 vjecare u coptua ne breg te detit nga nje skaf i dimensioneve te medha dhe nje mjet detar lluksi.
Pergjigjia e shtetit sot duhet te jete ndalimi i menjehershem i perdorimit te ketyre skafeve lluksi ne brigjet e detit mbi koken e pushuesve.
Kjo per sot.
Neser duhet te kuptojme se si eshte e mundur qe nje mjet te tille detar lluksi ta posedoje nje oficer i thjeshte policie”, shkruan Çollaku krah videove të postuara.
Kujtojmë se ngjarja e rëndë ndodhi mesditën e sotme në në plazhin e Potamit në Himarë.
Arjan Tase, aktualisht mban detyrën me gradën Komisar dhe me detyrë Shef i Seksionit të Policimit në Komunitet në Komisariatin e Policisë Elbasan.
Ndërkohë, Agjencia e Mbikëqyrjes Policore nën drejtimin e Prokurorisë së Rrethit Gjyqësor Vlorë ka ngritur menjëherë një grup të posaçëm hetimor për hetimin dhe zbardhjen e plotë të kësaj ngjarje.
Tase ka qenë i pezulluar më herët pasi akuzohej për lejimin e kultivimit të kanabisit, por është rikthyer sërish në krye të komisariatit të Himarës.
