Lidhja e dashurisë mes Adisit dhe Fifit dita-ditës po bëhet më serioze. Të shumta janë fotot e videot e çiftit në rrjetet sociale, nga jeta e tyre e përditshme, si dhe dedikime e ëmbla.
Së fundmi në “Prive Reality”, Fifi ka folur për marrëdhënien, dhe planet e tyre për të ardhmen.
Këngëtarja u shpreh se po pret që partneri i saj t’i propozojë, pasi ajo nuk do dëshironte kurrë ta merrte hapin e parë ajo.
“Është një problem unë s’i propozoj atij, rasti i vetëm ku unë jam një femër. Se gjithnjë kam qenë burri”, tha ish-banorja e “Big Brother VIP”.
Kujtojmë që lidhja e tyre nisi fill pas pjesëmarrjes së Fifit në këtë reality-show. Prej atëherë, kanë qenë në qendër të vëmendjes, e mesa duket edhe dasma nuk është aq larg!
