Shumë pak para 12 shtatorit, po bëhen përgatitjet e fundit për të pritur vogëlushët.
Veliaj inspektoi nga afër punimet në kopshtin dhe çerdhen më të re, “Kei”, në Njësinë 7, që do presë këtë shtator 220 fëmijë me kushte shumë të mira, mjedise rekreative dhe staf të përkujdesit shëndetësor e social.
“Investimi në kopshte e çerdhe ka qenë një revolucion i jashtëzakonshëm në Tiranë”, u shpreh Veliaj, duke theksuar faktin se është vendosur një standard i ri.
“Në këtë kopësht kemi ashensorët për fëmijët me aftësi të veçanta, kemi psikologë, sallën e infermieres, kemi edhe një hapësirë private të takimit me prindër, ku ata mund të informohen privatisht mbi progresin e fëmijës,”-shtoi ai.
Veliaj tha se “Kei” e çon në 86 numrin e kopshteve dhe çerdheve të reja të ndërtuara në Tiranë.
“Më vjen mirë që ky kopsht do të pasohet me 7 kopshte dhe çerdhe të tjera në shtator, për të shkuar në 40 çerdhe dhe 46 kopshte; në total 86 institucione arsimore, të cilat jenë paja e Tiranës” deklaroi kreu i Bashkisë.
Veliaj nënvizoi edhe kultivimin e një diete mesdhetare në kopshte e çerdhe për tu fokusuar në një jetë të shëndetshme.
