Një punonjës i Inspektoriatit të Mbrojtes së Territorit së Bashkisë së Tiranës, është plagosur pak minuta më parë në kryeqytet. Ngjarja ka ndodhur në rrugën “Todi Shkurti”, ndërsa i punonjësi ka marrë një plagë në bark.
Sipas policisë, punëtori është Ilirjan Gavelli, rreth 50 vjeç dhe sapo kishte përfunduar zbatimin e një vendimi. Ai kishte shkuar për të prishur një shtëpi dhe i zoti i banesës e ka qëlluar me armë.
“Rreth ores 17:30, në kryqëzimin e rrugëve “Todi Shkurti” me rrugën “Kristaq Capo”, një shtetas ka plagosur me armë zjarri në bark, një punonjës I.M.T-së, rreth 50 vjeç qe sapo kish përfunduar zbatimin e një vendimi, i cili u dërgua në spital dhe ndodhet në sallë nën kujdesin e mjekëve. Autori u kap nga shërbimet”, bën me dije Policia e Tiranës.
Autori Qani Muça 55 vjeç është identifikuar dhe arrestuar.
