Ndonëse, pritet të takohen shumë shpejt në Bruksel, duket se Aleksandër Vuçiç dhe Albin Kurti nuk kanë ndërmend t’i ndalin akuzat dhe sulmet.
Kryeministri i Kosovës dhe presidenti i Serbisë Aleksandar Vuçiq do të takohen në Bruksel më 18 gusht, pas rritjes së tensioneve në veri të Kosovës si rezultat i vendosjes së masave të reciprocitetit nga qeveria kosovare.
Mirëpo, Presidenti i Serbisë, Aleksander Vuçiç, vazhdoi me provokimet ndaj Kosovës, duke i vënë në shënjestër të gjitha autoritetet qeverisëse, nga kryeministri Albin Kurti të cilin e quajti aq të përvuajtur sa nuk mundet as ta fyejë më.
Në një intervistë për mediat serbe, Vuçiç i kritikoi të gjithë shtetet e rajonit si dhe bashkësinë ndërkombëtare. Ai njoftoi se ka synim që shërbimin ushtarak në Serbi të jetë i detyrueshëm për qytetarët serbë, përveç ushtrisë profesionale.
“A iu kam borxh atyre t’iu raportoj, apo popullit tonë? Çfarë doni, që ne të jemi thes boksi e të na godasin, pavarësisht heroizmit të ushtarëve dhe oficerëve tanë, si në vitet 90′. Ata po armatosen që të gjithë. Po veçojnë nga 20 përqind të municioneve të tyre nëpër depo. Pse po blini helikopterë nga SHBA dhe kundërajror nga Gjermania pra? Kë doni të sulmoni, Austrinë apo Slloveninë? Kurti tha se do të shpenzojë 130 milionë buxhet për ushtri. S’ka problem, ne do të kemi një miliardë e gjysmë” tha Vuçiç.
Kujtojmë që së fundmi, Kurti e quajti Vuçiçin “Putini i vogël”, dhe presidenti serb tha se kryeministri kosovar kërkon të jetë “Zelenksy i vogël”.
