Seria A nis sot, ja se cili ekip do të shpallet kampion sipas algoritmeve

113 563 lexime

124,178FansaPëlqeje

Një vit më parë, në nisje të sezonit, Interi dhe Juventusi cilësoheshin favoritet për titullin në Itali. Pas tyre Napoli, teksa të paktë ishin ata që besonin te Milani. Në thuajse 365 ditë distancë, situata nuk ka ndryshuar.

Kampionët e Italisë kapërcejnë në parashikime vetëm skuadrën e Spalett-it, teksa kurora e Serisë A do të jetë përsëri çështjes mes “Zonjës së vjetër” dhe zikaltërve.

Goditjet në merkato konfirmojnë ambiciet e secilës, por pavarësisht përforcimeve dhe lojës së kolauduar, askush nuk i llogarit djemtë e Piolit që përsëri do të jenë vetëm kundër të gjithëve.

Për ta mund të jetë edhe një ogur i mirë. Fundja edhe vjet të gjithë mendonin ndryshe, por në fund e dimë se si përfundoi. Lot në Milanon zikaltër, teksa në Torino u festua vendi i katërt si një titull. Çështje këndvështrimesh…

Algoritmet

Seria A do të nisë sot në orën 18:30 me ndeshjen Milan – Udinese, por në Shtetet e Bashkuara me sa duket e kanë gjetur që tani fituesin. Sipas disa ekspertëve amerikanë në përllogaritjet sportive, Interi do të kurorëzohet kampion në fund të sezonit. Algoritmi i quajtur “SPI” (Indeksi u fuqisë në futboll) ka llogaritur gjithçka duke u bazuar te statistikat ekipore dhe individuale.

Siç thamë, zikaltërit do të mbërrijnë të parët në finish, teksa pas tyre do të renditet Milani. Vendi i tretë dhe i katërt përbejnë surprizën më të madhe. Përkatësisht do t’i takojnë Napolit dhe Atalantës, duke lënë jashtë Champions-it, Romën dhe Juventusin.

Pikërisht bardhezinjtë do të mbyllin kampionatin në vendin e shtatë të paraprirë nga Roma dhe Lazio. Ndërkohë, dhjetëshja e vendeve të para do të mbyllet nga Fiorentina, Torino dhe Sasuolo.

Lexo edhe :  E KRYER! Granit Xhaka lojtar i Milanit, zbulohen detajet e marrëveshjes

Pikët

Simone Inzaghit do t’i mjaftojnë 78 pikë për t’u shpallur kampion. Edhe pse Milani do ta mbyllë sezonin në vendin e dytë me 7 pikë më pak. Napoli do të ketë 68 pikë, teksa Atalanta 65.

Duke folur për shifrat, shanset e Interit kampion janë në vlerën 36 për qind. Lajmet e këqija vijnë për Cremonese-n, Spezia- n dhe Salernitana-n.

Kjo treshe do të jetë në këtë rend në vendet e fundit të klasifikimit duke përjetuar kështu rënien në Serinë B.

Të fundit

Si agjentët e Mossad-it në Iran përgatitën terrenin për sulmet ajrore të Izraelit

Operacioni ushtarak izraelit “Ngritja e Luanit”, më i madhi i nisur ndonjëherë nga Izrali kundër Iranit, filloi në orët...

Bjellorusia liron 14 të burgosur, përfshirë politikanin Tsikhanouski

Bjellorusia ka liruar 14 të burgosur, përfshirë Syarhey Tsikhanouskin, i cili u arrestua në maj të vitit 2020 gjatë përpjekjes për të kandiduar për...

Kokainë dhe para cash, arrestohet 31-vjeçari shqiptar në Itali

Policia italiane ka arrestuar një shtetas shqiptar në Crespina Lorenzana. Sipas raportimeve, 31-vjeçari shqiptar është kapur nga policia italiane gjatë një kontrolli të rastësishëm. Sjellja...

Prapaskena e merkatos, Barcelona planifikon goditjen e madhe në 2026

Barcelona po punon jo vetëm për merkaton e kësaj vere, por edhe për atë të vitit të ardhshëm. Mediat angleze raportojnë se klubi katalanas...

Gjykata e Kosovës zbulon vrasjen e politikanit Oliver Ivanoviç

Gjykata Themelore e ka bërë përgjegjës Milan Radoiçiçin për vrasjen e ish-politikanit serb nga Kosova, Oliver Ivanoviçit, ndërsa katër të akuzuar janë dënuar me...

Lajme të tjera

Web TV