Qyteti i Elbasanit është tronditur sërish mbrëmjen e së mërkurës, pasi një 33-vjeçar ëhstë vrarë me armë zjarri pas një sherri banal.
Sipas policisë 33-vjeçari Madrit Ulqinaku, është vrarë pranë stadiumit “Elbasan Arena” nga 20-vjeçari K.Sh, pas një përplasjeje verbale mes tyre.
Mësohet se 33-vjeçari ishte baba i një fëmije. Pas ngjarjes autori dhe personat e tjerë u larguan menjëherë nga vendi i ngjarjes, ndërkohë që policia blindoi zonën.
Ndërkohë burime për Abc News bëjnë me dije se kjo është tragjedia e dytë që ndodh në familjen Ulqinaku, pasi në vitin 1997 në kohën e trazirave në Shqipëri, është vrarë edhe vëllai i Madritit.
Ndërkohë nga ana e policisë nuk është bërë ende e mundur kapja e autorit të ngjarjes.
