Në mbrëmjen e djeshme është zhvilluar derbi shqiptar në fazën e Play Off të Conference League. Shkupi është ndeshur me Ballkanin, teksa ekipi i Kosovës arriti që të fitonte me shifrat 1-2.
Pavarësisht sesi do të shkojë historia në ndeshjen e kthimit, një gjë dihet me siguri, një ekip shqiptar do të kalojë në fazën e grupeve të Europës.
Ndërkohë gjest vërtet emocionues ka ndodhur para nisjes së ndeshjes. Teksa lojtarët e Ballkanit kanë hyrë në fushën e blertë, duartrokitje kanë ardhur nga tifozët e Shkupit. Shvercerat kanë nisur të këndojnë menjëherë për heroi Adem Jashari.
Ilir Daja konfirmohet një ekspert i ndeshjeve evropiane, teksa pasi siguroi grupet e Europa Leagues me Skënderbeun, është shumë pranë përsëritjes së të njëjtit sukses edhe me Ballkanin, pasi ka fituar ndeshjen e parë të Play Off-it ndaj Shkupit. /AlbaniaTeam
