Policia e Rio de Janeiro arrestoi një bos droge teksa po ndiqte një ndeshje në stadiumin Maracana. I njohur si “Foka”, Marco Aurelio dos Santos Rocha u ndalua nga oficerët e policisë ndërsa ai ishte në tribuna duke parë Fluminense duke avancuar në gjysmëfinalen e Copa do Brasil kundër Fortaleza, tha policia e Rios në një deklaratë.
Ai kishte veshur një fanellë të Fluminense me pseudonimin dhe numrin 13 kur Policia iu afrua.
Foka emërohet nga Policia si drejtuesi i dyshuar i trafikut të drogës në një kompleks favela në qytetin Belford Roxo, në zonën metropolitane të Rio de Zhaneiros.
Ai konsiderohej i arratisur pasi ndaj tij ishin lëshuar tashmë dy urdhër-arreste dhe, sipas Policisë, ai do të ishte përgjegjës për disa vrasje.
Fluminense barazoi 2-2 kundër Fortaleza-s , por kaloi në gjysmëfinalet e Copa do Brasil pasi fitoi 1-0 jashtë në ndeshjen e parë. Gjigantët e Rios do të përballen me Corinthians.
