Njeriu më i pasur i botës do ta shpenzojë të gjithë pasurinë që ka krijuar në planetin Tokë, për të ndërtuar një qytetërim në planetin Mars. Si një biznesmen i zoti që është, Elon Musk e di që projektet e mëdha kërkojnë investime të mëdha dhe ndonjëherë as zotërimi i pasurisë më të madhe në planet nuk mjafton.
Sigurisht që ky vendim i tij ka “pasoja” të drejtpërdrejta edhe për personat e tij.
Midis tyre është dhe nëna e tij, Maye. Siç tha modelja 74-vjeçare për Times, ajo e kupton plotësisht vendimin e djalit të saj.
“Nuk mund të kesh një shtëpi të bukur pranë një vendi plot me raketa”, tha ajo. Kjo nuk e shqetëson aspak pavarësisht se sa herë që dëshiron vizitojë në Teksas, detyrohet të flejë në… “garazh”.
Rreth një vit më parë, Elon Musk zbuloi se do të hiqte dorë nga të gjitha pasuritë e tij, duke shkruar në Twitter: “Po shes pothuajse të gjitha pasuritë e mia fizike. Nuk do të kem më shtëpi. Nuk kam nevojë për para, ato thjesht të rëndojnë”.
Por ndryshe nga djali i saj, Maye zbuloi se nuk ka interes të shkojë në Mars.
