Pas hedhjes së shortit në Stamboll, grupi C është quajtur si grupi i “vdekjes” pasi në këtë grup u shortuan skuadra që konsiderohen pretendente për t ëfituar trofeun prestigjioz.
Bayern Munich, Barcelona, Inter dhe Viktoria Plzen do të luftojnë mes tyre për dy vende. Por përballja mes bavarezëve dhe katalansve do të jetë interesante dhe e veçantë për Robert Lewandowskin.
Sulmuesi polak do të ketë fatin të luajë përballë ish-skuadrës së tij në të cilën arriti të kthehej në idhullin e tifozëve gjatë 8 viteve, por dëshira e polakut nuk u plotësua kur tha se nuk do dëshironte të përballej me Bayern Munich.
“Nuk do të doja të përballesha me Bayernin në fazën e grupeve të Ligën e Kampionëve, absolutisht jo! Kjo nuk duhet të ndodhë në fazën e grupeve. Është ende shumë herët. Për mua do të ishte një ndjenjë e çuditshme.
Dëshira ime është e thjeshtë: të lutem, jo ndeshje kundër Bayernit. Si do të më prisnin tifozët gjermanë? Shpresoj në një mënyrë pozitive. Kam vetëm kujtime të bukura nga koha e kaluar te Bayerni, historia që patëm me këtë klub do të mbetet gjithmonë në zemrën time“, deklaroi disa ditë më parë sulmuesi i Barcelonës.
Nëse për sulmuesin e Barçës nuk ndoshi ajo që dëshironte, për ish-shokun e tij, Thomas Muller u prit me entuziazëm, i cili i vendosi pseudonimin Lewangoalski, shokut të qindra betejave gjatë viteve të kaluara së bashku te Bayerni.
Në një postim në “Instagram”, sulmuesi gjerman ndihet i kënaqur që do të përballet me Levën, me të cilin ka fituar gjithçka në Mynih. “Çfarë shorti i mrekullueshëm për të gjithë tifozët e futbollit. Zoti Lewangoalski, shihemi së shpejti në Mynih“, shprehet 32-vjeçari bavarez.
Kjo video padiskutim është duke bërë xhiron e internetit, teksa është shpërndarë pafundësisht, me duelin që ka “nisur” tashmë që në rrjetet sociale.
View this post on Instagram
