Arsen Muskurti 38 vjeç, një biznesmen i njohur në Tiranë, i mori jetën vëllait dhe kunatës më 30 gusht për shkak të konflikteve për pronën.
Ngjarja ndodhi në biznesin e çiftit, një agjenci turistike, rreth orës 16:40, në rrugën “Islam Alla”, afër ‘Myslym Shyrit’, një prej zonave më të frekuentuara në kryeqytet.
Viktimat u identifikuan si Dritan Muskurti 44 vjeç dhe gruaja e tij, Nora 33 vjeç, prindër të 3 fëmijëve.
Ndërkohë autori i krimit ka rrëfyer se viktimat shkelnin ligjin dhe normat fetare, teksa akuzon Nora Muskurtin për lidhje jashtë-martesore.
Arseni ka deklaruar gjithashtu se vëllai Dritani dhe bashkëshortja e këtij të fundit Nora Muskurti, e sulmonin në rrjetet sociale me adresa false dhe nuk e linin të qetë.
Muskurti akuzon familjarët e tij, se përmes agjencisë turistike, që siguronte udhëtimet e besimtarëve drejt vendeve të kultit islam, shkelnin ligjin por edhe normat e fesë.
Sipas Arsenit, kunata e tij, Nora, kishte lidhje jashtë martesore, fakt që për të është i papranueshëm.
