Nëse ende mendoni që në këtë gjeneratë teknologjie, funksionojnë ende takimet elektorale, e keni gabim…
Më pak se një muaj larg zgjedhjeve të përgjithshme të Italisë, liderët e partive të mëdha po përdorin TikTok për të dhënë mesazhin e tyre politik dhe për të synuar votuesit e rinj.
Përdoruesit politikë të TikTok përfshijnë Matteo Renzi nga Italia Viva, Silvio Berlusconi nga Forza Italia dhe Carlo Calenda nga Azione.
Në më pak se 24 orë, Berlusconi arriti të fitojë 342,000 ndjekës, ndërkohë që videoja e tij e parë u ndoq nga pothuajse shtatë milionë njerëz.
Megjithatë, politikanët që përdorin TikTok po përballen gjithashtu me kritika, veçanërisht nga të rinjtë që i akuzojnë se kanë përfituar nga aplikacioni.
Matteo Salvini i Lega ishte politikani i parë italian me një faqe në TikTok në nëntor 2019, i ndjekur nga Giorgia Meloni nga Fratelli d’Italia dhe Giuseppe Conte i Movimento Cinque Stelle.
Zgjedhjet e parakohshme në Itali do të mbahen më 25 të këtij muaji pas dorëheqjes së kryeministrit Mario Draghi.
