Historia tragjike e vogëlushes së preferuar të Hitlerit

113 563 lexime

124,178FansaPëlqeje

Fatkeqësisht, është vajzë, por zemra ime është plot lumturi. Do ta quajmë Helga,”– kjo fjali është shkëputur nga ditari i Joseph Goebbels më 1 shtator 1932, ditën kur lindi vajza e tij e parë. Ministri i propagandës naziste Joseph Goebbels kishte familjen perfekte gjermane. Dhe ia dha Hitlerit si dhuratë.

Në atë kohë, Adolf Hitleri përdorte qindra fëmijë në fotografitë e tij për propagandën naziste. Zyrtarisht, ai nuk kishte fëmijë biologjikë dhe mendohej  se kishte probleme të mëdha me intimitetin. Ndërsa nazizmi po shpërthente në të gjithë Gjermaninë, udhëheqësit e tij mbronin fëmijët e tyre duke i dërguar jashtë. Por Goebbels besonte se fëmijët e tij, si pasardhës idealë nazistë, duhej të ishin sa më afër lëvizjes. Pra, ata u vendosën sa më pranë me Hitlerin.

Joseph Goebbels kishte pesë vajza dhe një djalë, të gjithë emrat e tyre fillonin me shkronjën “H”: Helga, Hedwig, Helmut, Hildegard, Holdine dhe Heidrun. Edhe pse nuk ka asnjë provë të shkruar për këtë, historianët besojnë se fëmijët u emëruan sipas Adolf Hitlerit. Nëna e tyre Magda i vishte me rroba të bukura dhe rregullisht i rregullonte flokët. Ata ishin të bukur dhe të sjellshëm.

Fëmijët e Goebbels ishin “njerëzit e preferuar” të Hitlerit. Por jo sa Helga. Helga ishte një fëmijë i bukur me sy blu që nuk qante kurrë. Ajo ishte vajza e babit, që kalonte më shumë kohë me të sesa nëna e saj. Shpesh, vajza e zgjuar dëgjonte Hitlerin ose babain e saj me habi teksa i tregonin për propagandën naziste, megjithëse ajo nuk mund të kuptonte asgjë.

Kur Hitleri ishte përreth, ajo shpesh ulej në prehrin e tij, bënte një shëtitje me të në një park ose pinin çokollatë të nxehtë së bashku. Adolf madje bëri shaka për afërsinë e tyre: Nëse do të kishim të njëjtën moshë, do të ishim çift i përsosur.

Më 22 prill 1945, familja Goebbels mori fëmijët nga shtëpia e tyre dhe u zhvendos në Führerbunker. Të nesërmen, Ushtria e Kuqe Ruse hyri në periferi të Berlinit. Joseph Goebbels e dinte se çfarë po ndodhte dhe nuk donte që fëmijët e tij të binin në duart e sovjetikëve.

Zonja Goebbels kishte menduar tashmë për vrasjen e fëmijëve të saj një muaj më parë. Ajo e dinte se si nazistët ishin mizorë ndaj kombeve të tjera dhe priste hakmarrjen e aleatëve. Madje ajo pa me sytë e saj mizorinë e Hitlerit ndaj një djali hebre. Sipas kunatës së saj nga martesa e saj e parë Ello Quandt, Magda nuk donte të ishte e dobët dhe vendosi të vetëvritej. Ajo e dinte nëse aleatët e kapnin, do t’i duhej të fliste për veprimet mizore të burrit të saj. Por nëse ajo vendoste do dilte kundër ndërgjegjes së saj. Për më tepër  nuk donte që fëmijët e saj të dëgjonin për babanë e tyre si një nga kriminelët më të mëdhenj gjermanë.

Lexo edhe :  Pse duhet të udhëtoni në Europë në vjeshtë, jo në verë

“Më mirë që fëmijët e mi të vdesin, sesa të jetojnë me turp, të tallur. Fëmijët e mi nuk kanë asnjë shans në Gjermani pas luftës”.

Kur aviatorja Hanna Reitsch ofroi t’i largonte fëmijët nga bunkeri, Magda refuzoi, madje i kërkoi që të mos e linte të tërhiqej nga vrasja e fëmijëve të saj nëse ajo ishte në dy mendje. Në mbrëmjen e 1 majit 1945, Magda i veshi vajzat me këmisha nate të gjata të bardha dhe lidhi fjongo në flokët e tyre. Pastaj vuri dentistin e ri SS Helmut Kunz nën presion për të vrarë fëmijët. Hitleri ishte tashmë i vdekur dhe sovjetikët po vinin! I riu në fillim nuk pranoi por në fund u injektoi fëmijëve morfinë në Vorbunker.

Magda Goebbels nuk ishte në gjendje t’i vriste fëmijët e saj, kështu që Kunz thirri mjekun e Hitlerit, Ludwig Stumpfegger, i cili u kishte dhënë shishet e morfinës.

Dy orë më vonë, ndërsa po dilnin nga dhoma, Magda tha se “gjithçka kishte mbaruar”. Ajo erdhi në Führerbunker e vetme, me një fytyrë të zbehtë dhe sy të skuqur me një pamje të ngrirë. Po atë ditë, rreth orës 21:00 Magda dhe Joseph Goebbels shkuan në kopshtin e Kancelarisë së Rajhut dhe vranë njëri-tjetrin me cianid. Pas urdhrit të mëparshëm të Goebbels, një ushtar e qëlloi disa herë pasi ata pinë helmin. Goebbels nuk lëvizi.

Trupat e çiftit u spërkatën më pas me benzinë dhe u lanë të digjen.

Të fundit

Rikthim me gol dhe largim mes duartokitjesh, ja nota e Brojës sipas “SofaScore”

Armando Broja u rikthye të luajë titullar pas shumë kohësh mungesë për shkak dëmtimi dhe udhëhoqi Chelsean drejt fitores...

VIDEO/ Chelsea rikthehet tek fitorja dhe mposht Fulhamin, shënon gol edhe Armando Broja

Chelsea bind në derbin e Londrës ndaj Fulham dhe rikthehet te fitorja në kampionat pas tre javëve. “Blutë” e Londrës diktuan ritmin e sfidë, ndërsa...

Po jep efekt Reforma në Drejtësi? Gjonaj: Pikë kthese për gjithë vendin

“Një gjë është e qartë unë e kam thënë dhe e kam stërthënë në fakt, por ka një gjë të qartë Partia Socialiste, mazhoranca,...

Parlamenti Evropian pritet ta miratojë një rezolutë për raportet Kosovë-Serbi

Parlamenti Evropian pritet ta miratojë një rezolutë të jashtëzakonshme për marrëdhëniet mes Kosovës dhe Serbisë më vonë këtë muaj, pas sulmit nga një grup...

DASH: S’e kemi verifikuar ende nëse ushtria serbe është tërhequr nga kufiri me Kosovën

Zëdhënësi i Departamentit të Shtetit të Shteteve të Bashkuara, Matthew Miller, ka theksuar se Shtetet e Bashkuara të Amerikës nuk kanë verifikuar ende tërheqjen...

Lajme të tjera

Web TV