Neymar ishte lënë në stol në duelin e PSG kundër Nantes. Braziliani u aktivizua në pjesën e dytë dhe sigurisht gazetarët e pyetën trajnerin Christophe Galtier për këtë vendim.
Tekniku ka qenë i qartë me përgjigjen e tij: “Është një periudhë ku po luajmë shumë ndeshje, thuajse në çdo tre apo katër ditë. Futbollistët e kuptojnë se nuk mund të jenë në gjendje të luajnë gjithë kohën nga 95-minuta.
Kam folur me lojtarët, edhe në mënyrë individuale, ndërsa duhet të kuptojnë që të kenë një sjellje korrekte edhe kur aktivizohen nga stoli”.
Neymar po kalonte një formë të mirë me PSG-në, kurse në duelin e djeshëm ishte Kylian Mbappe protagonisti, me dy gola të shënuar në triumfin 3-0 ndaj Nantes.
