Një foto e shpërndarë kudo në rrjetet sociale nga Greqia e Lashtë, ka konfuzuar kudo që e ka parë, pasi pretendohet se shfaqen disa njerëz me laptopë, dikur kur njerëzit as nuk ia kishin ‘haberin’ teknologjisë.
Ndryshe nga shumë imazhe që shpërndahe, fotografia e këtij relievi 2100-vjeçar nuk është ndryshuar ose “përmirësuar dixhitalisht”.
Në pamje të parë, fotoja nga koleksioni i Muzeut J. Paul Getty, duket sikur tregon dikë që mban hapur një laptop.
Ndaj lindin edhe pyetje të tjera si: Nga e gjetën? A kishin wifi? Pse një laptop dhe jo një tablet?
Në realitet, skulptura natyrisht nuk tregon një laptop — dhe ato vrima nuk janë gjithashtu porta për USB. 
Ata që nuk besojnë te alienët dhe udhëtarët në kohë thonë se bëhet fjalë për një “tabletë” dylli mbi të cilën shkruanin grekët e lashtë.
Në librin “Greek Funerary Sculpture: Catalog of the Collections at Getty Villa”, autorja Janet Burnett Grossman tha se mund të jetë thjesht një kuti e hapur e sheshtë ose pasqyrë.
