“A do të shkojë së shpejti çmimi i bukës në Gjermani në 10 euro?”, ka qenë titulli i shumë lajmeve në Gjermani ditët e fundit.
Kjo sepse Shoqata Qendrore e Tregtisë Gjermane të Furrave të Bukës ka paralajmëruar se shumë furra buke do të largohen nga sektori nëse shteti nuk jep menjëherë një ndihmë financiare.
Shumë furrtarë nuk janë në gjendje të vazhdojnë punën pasi nuk janë në gjendje të përballojnë koston e lartë të energjisë elektrike.
Por edhe nëse do të vazhdonte rritjen e çmimeve, dhe do të duhej ta shisnin bukën me 10 euro, ata besojnë se vetë klientët nuk do ta mbështesnin një lëvizje të tillë.
Mirëpo, në të njëjtin publikim theksohet se subvencionet për energji elektrike janë dhënë më shumë për familjet sesa për kompanitë.
Kryetari i Shoqatës Qendrore të Artizanatit Hans Peter Wollseifer foli për “Rheinische Post”.
“Çdo ditë marrim thirrje nga kompanitë e industrisë se do të ndalojnë prodhimin pasi nuk mund të kompensojnë rritjen e çmimit të produkteve me rritjen e tepruar të çmimit të energjisë, theksoi ai.
