Një skelet është gjetur 8 metra larg rrugës në një fushë të qytetit grek të Tebës në Greqi. Bashkë me skeletin, mësohet se janë gjetur disa dokumente që i lidhin eshtrat me një çështje penale në Shqipëri.
Skeleti u gjet gjysmë i zhvarrosur, e ndërsa në pantallonat e tij u gjetën disa dokumente personale që i referohen një çështjeje penale nga Shqipëria.
Megjithatë fillimisht do të duhet të bëhet një ekzaminim antropologjik dhe një test ADN-je për identifikimin e tij zyrtar.
Gjithçka të çon në konkluzionin se bëhet fjalë për vepër penale, por kjo gjë pritet të vërtetohet nga ekspertiza mjeko-ligjore.
