Marco Asensio i skadon kontrata me Real Madridin dhe Barcelona do të ishte gjithashtu ndër pretendentët e mundshëm për të marrë shërbimet e sulmuesit spanjoll.
Gazeta “Mundo Deportivo” raporton se Asensio, i cili mund të nënshkruajë falas për çdo ekip në qershor 2023, pëlqehet shumë në “Camp Nou” për moshën, cilësinë dhe shkathtësinë e tij.
Kjo hipotezë ngrihet jo vetëm në Spanjë, por edhe në shtypin britanik, ku “Daily Mail” dhe “The Sun” i bëjnë jehonë të ardhmes së ish-lojtarit të Mallorca: “Barcelona po përgatit një lëvizje tronditëse për yllin e Real Madridit, Marco Asensio, pasi skuadra e Xavi Hernández ka ndërmend të vazhdojë shpenzimet në përpjekje për t’u kthyer në elitën e Evropës, pavarësisht vështirësive të saj financiare”.
Asensio është 26 vjeç dhe ka shënuar 50 gola në 239 ndeshje të luajtura për Real Madridin.
