Tirana e vajzave të bukura/ Nisma e Mbretit Zog për heqjen e ferexhesë

113 563 lexime

124,178FansaPëlqeje

Mbretit Zog do t’i njihet nisma për heqjen e ferexhesë dhe emancipimin e gruas në Shqipërinë që ai e aspironte me kulturë evropiane.

Kjo veshje e grave dhe vajzave shqiptare, që binte ndesh me ato në Evropë, do të komentohej shpesh nga të huajt që vizitonin sidomos, Tiranën.

Me të marrë këtë vendim, lajmi bëri bujë në mediet e huaja, që i kushtuan vëmendje mbretit bashkohor të shqiptarëve.

Francezja “L’Intransigeant”, të mërkurën e 31 marsit 1937, ka botuar në faqen nr.3, një shkrim lidhur me vendimin historik të mbretit Zog, për heqjen e “çarçafit – ferexhesë” që u mbulonte fytyrat grave shqiptare. Sesi u prit ky vendim, në Tiranë dhe në mbarë Shqipërinë e sjell të plotë në shqip, Aurenc Bebja

Një vendim i mbretit Zog, që u mirëprit

(Nga i dërguari ynë special)

Tiranë, 30 mars.

Tirana

“Shqiptaret e bukura, që prej katër ditësh, kanë zbuluar fytyrat.

Mysliman besnik, por sundimtar modern, Mbreti Ahmet Zogu, në fakt, ka adoptuar nga Parlamenti një ligj që urdhëron gratë e mbretërisë së tij të heqin dorë nga “çarçafi – ferexheja”, një zakon i vjetër i imponuar në shekullin e XV-të nga turqit, kur ata pushtuan Shqipërinë pas vdekjes së heroit kombëtar shqiptar, Skënderbeut.

Ky vendim ka ngjallur gëzim të madh në të gjithë Shqipërinë: te gratë, së pari, të cilat, të gjitha si bijat e Evës, janë të lumtura që admirohen dhe na të gjithë të rinjtë.

Tirana është bërë papritur, një qytet i lumtur…

Të qeshurat dhe rinia ndriçojnë çdo portret…

Dhe të huajt, të kënaqur, zbulojnë bukuritë që nuk dyshonin…

Kudo, e miratojnë vendimin e sovranit – i cili, qe bërë popullor, me 1 mars 1928, duke adoptuar nga Parlamenti, barazinë e të drejtave mes gruas dhe burrit.

Lexo edhe :  Marrëveshja e Brionit, fundi i luftës 10 ditore dhe nisja e shpërbërjes së Jugosllavisë

Pa dyshim, që disa myslimanë të vjetër, të cilët kundërshtojnë modernizmin, protestojnë në rrugët e Tiranës, kur takohen me gra pa ferexhe, por ata janë vetëm një pakicë e vogël, që nuk shqetëson asnjeri.

Ndërsa bukuroshet shqiptare, u përgjigjen nëpërmjet buzëqeshjeve më të lumtura”.

Të fundit

Nga pensionet, te bujqësia dhe ushtria, si shpërndahet buxheti për 2026-2028

Për shërbime shëndetësore, për paga-pensione, për skemat e mbështetjes së familjeve në nevojë, arsim, punësim, sigurinë kombëtare, bujqësinë, transportin...

Igli Tare gjen sulmuesin ideal për Milanin, vjen nga Premier League

Milan thuhet se po shqyrton një lëvizje për sulmuesin e Chelsea-t, Nicolas Jackson, dhe sulmuesin e Crystal Palace, Jean-Philippe Mateta, këtë verë. Gjigantët italianë aktualisht...

Raporti për Shqipërinë në Parlamentin Europian: KQZ nuk garantoi barazi

Me një shumicë të madhe prej 502 votash pro, 120 kundër dhe 64 abstenime, Parlamenti Europian miratoi raportin për Shqipërinë. Megjithatë kritikat e forta...

Berisha sot i premtoi mandatin e pestë Ramës

Sali Berisha, në një deklaratë të bërë sot, njoftoi vazhdimin e asaj që ai e quajti “betejë kundër farsës elektorale të 11 majit”, duke...

Arben Anamali, heroi që “harroi” veten për të shpëtuar dy jetë

Arben Anamali është heroi i cili dje bëri një akt humanizmi të rrallë, duke u hedhur në ujërat e liqenit të Shkodrës për të...

Lajme të tjera

Web TV