Pas shumë vitesh bashkë, ditën e nesërme Armina Mevlani dhe Shkëlzen Berisha do t’i thonë “Po” njëri-tjetrit.
Çifti do ta kurorëzojë dashurinë e tyre në martesë në një ceremoni moderne dhe të kuruar në detaj. Teksa edhe pak na ndan nga ky moment është zbuluar edhe vendndodhja, ku do të mbahet dasma e djalit të Sali Berishës dhe Armina Mevlanit.
Dyshja kanë zgjedhur që dasmën ta bëjnë në natyrë. Dasma e Shkëlzen Berishës dhe Armina Mevlanit do të mbahet në Shijak.
Pak orë më parë, blogerja zbuloi një detaj nga velloja që do të veshë për ditën e saj të madhe. Armina publikoi në Instagram një foto të vellos së fustanit të nusërisë, në të cilin shihet i qëndisur mbishkrimi “Love is the answer (dashuria është përgjigja)”.
Më herët, Armina ka zbuluar se ajo dhe Shkëlzeni e duan vjeshtën dhe kjo është arsyeja që vendosën që dasmën ta bëjnë në shtator.
Jo vetëm kaq por ajo ka rrëfyer se vjehrri i saj, Sali Berisha ka shprehur mbështetje për datën e dasmës.
Prezantuesja tregoi edhe se në dasmë do të ketë më pak se 300 të ftuar si dhe menuja e ushqimit do të jetë tradicionale.
