Një ngjarje e rëndë ka ndodhur në Kosovë ku një shtetas ka ngacmuar seksualisht në mes të rrugës aplinitsten Mrika Nikqi.
Ka qenë vetë aktivistja ajo e cila në llogarinë e saj në ” Facebook”, ka publikuar videon ku shihet se si shtetasi me ininciale F.B, e ka kapur me forcë Nikqin dhe e ka puthur.
Më pas ai është larguar sikur të mos kishte ndodhur asgjë, ndërkohë Nikqi në pamje shihet se është e tronditur, teksa dy persona të tjerë i afrohen për ti ofruar ndihmë.
“Me datë 27. 09.2022, në ora 20.50, në qendër të qytetit te Pejës isha viktimë e sulmit seksual, veprim vandal i cili është kryer me paramendim nga personi F.B, anëtar i një familje të njohur në qytetin e Pejës.
Si pasojë e kësaj situate, për momentin jam në gjendje të rëndë emocionale dhe nuk mund të deklarohem në tërësi. Pas vendimit të plotfuqishëm të Gjykatës do t’ju njoftoj për rrjedhën e situatës dhe sulmuesin e paskrupullt.
Në videon e bashkangjitur, e gjykoni vetë këtë gjest të shëmtuar, viktimë e të cilit ka mundur të jetë çdo familjar i juaji.
Unë dhe familja u jemi mirënjohës organeve kompetente dhe qytetarëve të cilët me angazhimin e koordinuar, dhe shumë shpejt, mundësuan identifikimin dhe arrestimin e sulmuesit i cili ka lënë një vragë të shëmtuar në jetën time”, shkruan Nikqi krah videos.
