Presidenti shqiptar Bajram Begaj ka reaguar pasi presidenti rus, Vladimir Putin firmosi aneksimin e 15% të territoreve ukrainase.
“Dënoj me forcë shkeljen e përsëritur të integritetit territorial të Ukrainës nga ana e Rusisë. Sfida e hapur dhe flagrante e Rusisë ndaj ligjeve dhe komunitetit ndërkombëtar është lajm i keq për paqen dhe rendin botëror”, shkruan Begaj.
Strongly condemning Russia's repeated violation of Ukraine's territorial integrity. The open & flagrant defiance of international laws & community by Russia is bad news for world peace and order. https://t.co/2YHaLrmMC5
— Bajram Begaj (@BajramBegajAL) September 30, 2022
Kujtojmë se Rusia shpalli sot katër provinca të Ukrainës si pjesë të Federatës Ruse. Aneksimi i Donetskut, Khersonit, Luhanskut dhe Zaporizhias u nënshkrua nga presidenti rus Vladimir Putin gjatë një ceremonie.
Ky veprim u quajt i paligjshëm dhe në kundërshtim me të drejtat themelore nga liderët botërore, ndërsa SHBA-ja ndërmori sanksione të reja.
