Pas 17 vitesh karrierë dhe 16 trofeve të fituar me disa klube, Gonzalo Higuain ka vendosur të tërhiqet nga futbolli në moshën 34 vjeçare. Fundi i sezonit në ligën amerikane MLS me Inter Miami do bëjë që sulmuesi të largohet nga futbolli i luajtur.
Nëpërmjet një konference për shtyp nga Shtetet e Bashkuara, Higuain ka njoftuar se këta do jenë muajt e tij të fundit në fushë. Argjentinasi nuk i mbajtur dot lotët në fundin e fjalimit, me familjarët që kanë qenë të pranishëm.
I gjithë klubi i Inter Miami që është në pronësinë e Devid Beckham i ka rezervuar Higuain një pritje të ngrohtë, me lojtarët që kanë qenë të pranishëm në fjalimin e 34 vjeçarit. Në karrierën e tij, Higuain ka luajtur me klube si River Plate, Real Madrid, Napoli, Juventus, Milan, Chelsea dhe në fund me Inter Miami në SHBA.
Në sezonin 2015-16 Pipita u shpall golashënuesi më i mirë në Serie A me Napolin, duke shënuar 36 gola.
