Vorskla Poltava mundi 2 – 1 Chernomorets Odessa në takimin e javës së gjashtë të kampionatit ukrainas. Protagonist në këtë përballje u bënë dy ish-lojtarët e Tiranës, Taulant Seferi dhe Ardit Toli. Në minutën e 88-të, Toli shërbeu saktë për sulmuesin nga Kumanova, i cili arriti që të shënonte golin e fitores.
I pari realizim për 25-vjeçarin në kampionatin ukrainas, ku u transferua gjatë merkatos së verës. Seferi luajti deri në kohën shtesë, ndërsa Toli u aktivizua në minutën e 72-të të ndeshjes, ndryshim që rezultoi i suksesshëm për trajnerin Skrypnyk. Ish-lojtari i Tiranës e kontrolloi bukur topin në brendësi të zonës dhe goditi me të djathtën duke mos i lënë shans reagimi portierit kundërshtar. Ndërkohë, në këtë përballje nuk u aktivizua mesfushori tjetër shqiptar, Ennur Totre, i cili e ndoqi ndeshjen nga pankina.
Të njëjtin fat kishte dhe Realdo Fili, i cili nuk mori asnjë minutë në ekipin e Odessa, skuadër kjo që ndodhet në vendin e fundit të renditjes, me vetëm 2 pikë. Vorskla në anën tjetër e ka lënë pas atë periudhë të vështirë të fillim sezonit dhe aktualisht pozicionohet në vendin e 90-të me 7 pikë.
