Nëse mendoni se Amerika nuk frikësohet nga kërcënimet e Putinit, e keni gabim. Ka plot shenja që tregojnë që superfuqia po përgatitet nga një luftë bërthamore.
Kërcënimi i “Amageddonit” bërthamor, i cili është përforcuar intensivisht nga Vladimir Putini dhe besnikët e tij muajt e fundit, kristalizohet në politikat praktike të qeverisë amerikane, e cila kohët e fundit njoftoi blerjen e jodit në sasi të mëdha. Jodi, në fakt, përdoret në raste urgjente për të lehtësuar simptomat e rrezatimit në një sulm bërthamor.
Po ashtu Departamenti i Shëndetësisë ka njoftuar se do të shpenzojë gjithashtu 290 milionë dollarë për një ilaç kundër rrezatimit të quajtur Nplate, të cilin planifikon ta shtojë në rezervën e tij të “urgjencës bërthamore”. Nplate, i njohur gjithashtu si romiplostim, përdoret si një trajtim për ata që janë të ekspozuar në mënyrë akute ndaj rrezatimit.
Kjo lëvizje e fuqisë më të fortë në botë është arsye e mjaftueshme për alarm.
E gjithë kjo tregon për faktin se një fushatë e qartë mesazhesh ka filluar për të informuar publikun amerikan për rrezikun e mundshëm të një sulmi bërthamor, si dhe se çfarë duhet bërë në rast të një skenari më të keq.
Posterat në metro, në trenat dhe stacionet filluan të shfaqen, duke shpjeguar se çfarë duhet bërë në rast të një “urgjence rrezatimi”.
Qytetarët udhëzohen që në rast sulmi të strehohen në bodrum, të mos dalin kur njoftohen, por të informohen nëpërmjet radios, televizorit, kompjuterit apo pajisjes celulare.
