Napoli është ndoshta skuadra më në formë e momentit në gjithë Europën. Ekipi italian ka fituar sot sërish me goleadë ndaj Ajaxit me rezultatin 4-2, ndeshje e vlefshme për Champions League.
Golat e fitores u shënuan nga Lozano, Raspadori, Kvaratskhelia e Osimhen dhe siguruan kualifikimin për në raundin tjetër me eliminim direkt.
Ndërkohë, në Grupin B vazhdon magjia e Club Brugge të cilit i mjafton që ndeshja e sotme mes Portos e Bayer Leverkusen të mos ndahet në barazim për të festuar kalimin në turin tjetër.
Skuadra belge regjistroi një barazim pa gola në fushën e Atletico Madrid duke ruajtur portën të paprekur për ndeshjen e katërt radhazi.
