Napoli nuk e ka ndërmend të ndalet dhe sot në shtëpi triumfoi 3-2 ndaj Bolognas.Pjesa e parë do përfundonte 1-1, ku golit të miqve me Zirkzee iu kundërpërgjigj mbrojtësi Juan Jesus.
Skuadra e Spalletit do përmbyste shifrat sapo filloi pjesa e dytë, me Lozanon. Bologna donte të tregonte se nuk kishte ardhur në Napoli thjeshtë për shëtitje, pasi do barazonte me Barrow.
Vendasit do shfrytëzonin në maksimum aftësitë individuale të disa futbollistëve si Kvara dhe Osimhen, me këtë të fundit që i jep epërsinë përfundimtare skuadrës blu.
