Situata energjetike në vend, dhe më konkretisht, mos aplikimi i fashës 800 këh nga ERE po diskutohet në seancën e sotme plenare.
Në fjalën e saj, ministrja e Energjisë, Belinda Balluku ka hedhur akuza ndaj opozitës duke u shprehur se për të, është e pashpjegueshme sesi opozita kërkon debat për faktin që ERE vendosi të mos e aplikojë fashën 800 kwh.
Po ashtu, ministrja e ka akuzuar opozitën se po përfiton nga situata e krizës dhe se po tallet me fushatën ndërgjegjësuese për kursimin e energjisë si dhe po dezinformon qytetarët.
“ Qeveria shqiptare e ka menaxhuar këtë krizë. Arsyeja e thirrjes së këtij debati është e çuditshme, se përse Qeveria nuk aplikon fashën. Energjia në republikën e Shqipërisë, pavarësisht se çfarë thoni ju nëpër banaqe.
Le të flasim për 4 hidrocentrale të rëndësishme, nëse flisni me inxhinerët, do ju thonë se i konsiderojnë termocentrale, pasi prodhojnë dhe në muajt më të nxehtë të verës. Opozita e shqetësuar sot duhet të dilte një herë dhe të shpjegonte se si u copëtua sistemi elektro energjetik shqiptar, se si u shkëput nga sistemi 4 hidrocentrale të rëndësishme. Kjo është e vërteta dhe realiteti, sot na duhet që të dalim me importe dhe të plotësojmë kërkesën e tregut, Shqipëria po përballet me një situatë thatësire.
E gjithë Europa ka një strategji kursimi, vetëm ju jeni kundër. Kjo është e tmerrshme për ju, ju thoni se është arrogancë, ne e kemi nisur kursimin nga vetja jonë, ku kemi kërkuar nga institucionet që të kursejnë. Kemi vendosur administrator në të gjithë institicionet, janë pjesë e stafit, se mos del njeri dhe thotë se keni shtuar straf, jo ishte pjesë e jona”, tha Balluku.
