Kryetari i Partisë Republikane, Fatmir Mediu deklaroi se, nuk mund të bëhen ligje të njëanshme, ligje që sulmon një njeri.
Mediu u shpreh se në Shqipëri është hequr fare prezumimi i pafajësisë.
Kreu i PR-së, u shpreh se me një ligj të tillë, që u votua të enjten në parlament nga deputetët e Ramës dhe ata të Alibeajt, mund të përjashtosh njerëz nga politika, mund të fitosh zgjedhje.
‘Nuk mund të bëhen ligje që sulmojnë drejtpërdrejt një person apo çështje të caktuar. Filozofia e ligjeve në jurisprudencë nuk është e tillë në vendet demokratike nuk është e tillë.
Ajo që është akoma më e keqe në vende tona është se ne e kemi hequr fare prezumimin e pafajësisë. Ne e bëjmë fajtor tjetrin pa arritur që ta faktojmë nëpërmjet një fakti konkret apo vendimi gjyqësor.
Ka dhe vende të tjera në këtë proces siç është Rumania. Por Rumania në momentet kur deklarohet dosja, ajo duhet të provohet në gjykatë, përndryshe strukturat politike mund të marrin vendime politike të njënashme për interesa politike, për të përjashtuar njerëz nga aktiviteti politik, për të fituar zgjedhje, kontrolluar jetën dhe politikën sociale në vend.
Nëse duhet të marrim një shembull konkret real, duhet që të ecim në një proces ku garantohet e drejta dhe garantohet edhe individi që procesi është i drejtë’, tha Mediu.
