Emisionet ‘live’ gjithmonë kanë edhe situata të papritura dhe ngjarje që i vënë moderatorët në vështirësi e siklet.
Një rast i tillë i ka ndodhur Ylli Rakipit, në emisionin “Të Paekspozuarit”.
Në hyrje të pjesës së dytë të emisionit ku flitej nëse grupi i Alibeajt po e dëmton opozitën, drejtuesi Ylli Rakipi ka marrë një telefonatë nga deputeti Dash Sula.
Deputeti i grupit Basha-Alibeaj ka qenë i ftuar në emision, por ka vendosur të largohet 5 minuta para nisjes së pjesës së dytë të emisionit, pasi është lodhur, duke pritur në kafe, mbarimin e pjesës së parë të emisionit për vdekjen e Lear Kurtit.
“Ai iku nga sikleti i shkreti. Ai të rrinte, bëja dhe bashkimin tuaj këtu unë”, i tha moderatori Rakipi, deputetit tjetër të ftuar, Luan Baçi.
Gjatë telefonatës, Rakipi ndërsa i thotë që të kthehej në emision i thotë që po ia thotë këtë live. Por Sula nuk është kthyer, ndërsa gazetari Rakipi ka mbetur i habitur duke thënë se “kjo botë është halle-halle”.
