Deputeti demokrat Belind Këlliçi është personi i parë që ka dorëzuar zyrtarisht kandidaturën për tu future në garën e primareve që po zhvillohen nga Opozita.
Në një prononcim për mediat ai tha se është gati të lërë mandatin e deputetit dhe të garojë përballë Erion Veliajt.
Deri më tani janë lakuar edhe emra të tjerë për Tiranën, si mjeku Ilir Alimehmeti, aktori Julian Deda që është njëkohësisht anëtari i Këshillit Kombëtar të Partisë Demokratike, Gert Bogdani dhe Agron Shehaj.
Kandidimi i Këlliçit në primare vjen 24 orë pasi PD hapi zyrtarisht garën në procesin e primareve për Tiranën, Durrësin dhe Elbasanin.
