Ende nuk ka një vendim nëse duke filluar nga data 1 nëntor do të hyjë në fuqi apo jo fasha 800 kwH për ccmimin e energjisë për konsumatorët familjarë. Edhe pse ERE njoftoi sot se rikonfirmoi çmimet për fashën nën dhe mbi 800 kwH, Qeveria bëri me dije se aplikimi i këtyre çmimeve do të varet nga shifrat e javës së parë të nëntorit.
Zëvendës kryeministrja, Belinda Balluku deklaroi nga Dibra, se në media po përflitet se do të rritet çmimi i energjisë elektrike.
Sipas saj, kjo nuk është e vërtetë pasi ERE e cila nxorri fillimisht njoftimin, vetëm miraton çmimet, ndërsa është Qeveria ajo e cila vendos nëse aplikimi ndodh ose jo.
‘Televizionet thonë u vendos rritja e cmimit të energjisë, ERE miraton cmimet, aplikimi nëse ndodh apo jo i përket qeverisë. Ne jemi duke pritur të dhënat përsa i përket konsumit. Kemi të dhëna që në javën e parë të nëntorit, do të kemi reshje në kaskadën e drinit, ç’ka do të thotë se fasah 800 nuk është rrituir cmimi, por përfundimi i mburojës për shqiptarët. ‘- u shpreh Balluku.
