Të vendosur për të eliminuar çdo mundësi të përhapjes së koronavirusit, Kina po ndërmerr masa ekstreme, të padëgjuara askund tjetër në botë.
Shanghai Disney është bërë vendi më i fundit i cili ka mbyllur portat e tij falë politikës së rreptë të Kinës për “zero-Covid”, duke bllokuar vizitorët brenda.
Njerëzve u është thënë se nuk do të lejohen të dalin nga parku derisa përgjigja e testit të jetë negative. Kjo gjë vjen pasi Shangai raportoi 10 raste në vend të shtunën.
Politika e diskutueshme e Kinës me zero-Covid ka bërë të mundur që miliona njerëz të mbyllen në mënyrë të përsëritur, ndonjëherë edhe në vende të pazakonta.
Qeveria e Shangait tha se parku po i ndalonte njerëzit të hynin, por edhe ata që ishin brenda mund të dilnin vetëm pasi të kishin kryer testin dhe të kishte rezultuar negativ.
Nuk është dhënë asnjë datë se kur parku do të rihapet. Shanghai Disney tha se biletat do të jenë të vlefshme për gjashtë muaj dhe se do të rimbursohen.
Nuk është hera e parë që parku mbyllet papritur. Nëntorin e kaluar, 30,000 njerëz u bllokuan brenda pasi autoritetet urdhëruan që të gjithë të testoheshin si pjesë e gjurmimit të kontaktit.
