Deputeti Belind Këlliçi, ka sqaruar deklaratën e tij që bëri bujë pak kohë më parë dhe u konsiderua përçmuese ndaj qytetarëve të Tiranës, që nuk kanë lindur në këtë qytet.
Ai deklaroi se nuk është “i ardhur në Tiranë”, kur u pyet nëse e ka mik Erion Veliajn.
Këlliçi ua ka hedhur ‘fajin’ mediave se e kanë nxjerrë nga konteksti.
Këlliçi deklaroi se po sulmohet nga “makineria e propagandës”, por shtoi se është “politikan i regjur” dhe e kupton rëndësinë e votave.
“Që kur i kam hyrë kësaj gare, e di se me çfarë makinerie propagande, balte dhe mediatike po përballem, sepse e pranojnë të gjithë. Kam qenë i ftuar në një emision ku jam pyetur a jam shok me Veliajn. Sigurisht, në shpjegimin tim ku kam thënë, nuk kam as moshën e tij, as jam i njëjti brez, as kam shkuar në shkollë me të, as kam qenë afër me të, as kam qenë në rininë time as i ardhur, as në një qytet me të.
Unë jam tashmë një politikan i regjur dhe e kam parasysh rëndësinë e peshës së votës dhe mos diferencimit të qytetarëve. Unë përfaqësoj 11,601 vota në qarkun e Tiranës, që pjesa dërrmuese nuk janë nga Tirana por janë të ardhur në Tiranë”, tha ai.
