Shorti i Champions League dhe humbja befasuese e Real Madrid ndaj Rayo do të jenë kryefjala e mediave sportive për ditën e sotme.
Ndjekim disa nga titujt kryesorë të mediave botërore sportive për ditën e sotme:
La Gazzetta dello Sport inkurajon Napolin, Interin dhe Milanin në Champions League: “Le të kalojmë 3 nga 3!”, që të tentojnë kalimin në çerekfinale, pasi kanë shmangur të gjithë emrat e mëdhenj në fushë dhe kanë përballë përkatësisht Eintracht, Porto dhe Tottenham.
Corriere dello Sport hapet me titullin: “Kupa, ju mundeni!“, duke përfshirë edhe shortet në lidhje me play-offin e Europa League.
Tuttosport hapet me deklaratat e fituesit të çmimit Golden Boy, Fabio Miretti : “Unë, në emër të Marchisios”.
Në Spanjë, madrilenia AS shkruan: “Madridi humbet kokën”, duke u fokusuar tek rezultati zhgënjyes i Real Madrid, që humbi çuditërisht derbin me Rayo Vallecanon me rezultat 3-2 dhe bashkë me të kryesimin e tabelës.
“Barça lider” është titulli i katalanases Mundo Deportivo. Pas rënies së Madrilenëve ndaj Rayos, Barça ruan kreun e La Ligas dhe tani është dy pike para.
Prestigjiozja Marca hapet me titullin “Gjigandi ishte Rayo”, duke u lënë në focus paraqitjen skandaloze të lojtarëve ‘Los Blancos’.
