Ish- drejtoreshë e Përgjithshme e Tatimeve, Brisida Shehaj ka folur për rolin e femrave në shoqërinë shqiptare dhe kush e ka “fajin” që populli mezi i pranon ato në shoqëri.
E ftuar në D-Night në Rtv Ora, ajo u pyet: A jemi ne populli që mezi i pranojmë femrat e forta, pra jemi mësuar me atë shprehjen burri flet, ndërsa femra hesht?
“Nuk mendoj se është kjo. Femra të forta Shqipëria ka patur, por unë jam se tani do të më bëjnë copash feministet dhe mendoj se për ne femrat fajin e kanë femrat. Për ne femrat fajin e kanë po ato femra që ne na përfaqësojnë.
Nuk dua të merrem me pjesën e komenteve sepse kjo politika apo kjo jeta kaq e vështirë në Shqipëri na ka mbushur me një lloj mllefi që unë nuk e kam.
Ti po të shohësh ato që merren ose individë publikë të tjerë, po t’iu shikosh profilet e tyre shumica i bllokojnë komentet dhe nuk përgjigjen. Unë iu përgjigjem të gjithëve, sidomos atyre që më fyejnë…ka plot njerëz që në Instagram më thonë të fundit dhe unë i përgjigjem dhe pastaj kërkojnë ndjesë duke thënë “Si ka mundësi na përgjigjet” Unë i mirëkuptoj të gjithë ata që kanë mllef!
