Duket sikur po shohim ‘një copëz Lushnje’ në postimet e ukrainasve…
E kemi fjalën për memet me shalqinj që janë shfaqur në të gjitha rrjetet sociale së fundmi, pasi Rusia tërhoqi trupat e saj nga Kherson.
Por çfarë nënkuptojnë ato?
Sipas BBC Sounds, shumica e shalqinjve në Ukrainë vijnë nga rajoni Kherson. Ato dërgohen në lumin Dnipro në kryeqytetin, Kiev, dhe janë aq të njohura sa anija ka llogarinë e saj në Twitter.
Për shkak se Kherson kishte qenë nën pushtimin rus, fermerët ukrainas nuk kanë qenë në gjendje të transportojnë shalqinjtë e tyre. Si i tillë, shalqiri u bë simbol i Khersonit dhe i territoreve nën kontrollin rus.
Memet me shalqinj u shfaqën për herë të parë kur ukrainasit nisën të festonin për një kundërofensivë të mundshme për të rimarrë Kherson.
Disa pamje të publikuara treguan vendasit në rrugë, duke mbajtur flamurin kombëtar të Ukrainës dhe duke brohoritur ndërsa trupat e Kievit mbërritën. Kherson ishte i vetmi kryeqytet rajonal i marrë nga Rusia pas agresionit që filloi në fund të shkurtit, ndërsa tërheqja është parë si një nga “dështimet” më të mëdha të luftës.
Moska tha se 30,000 personel ishin evakuuar nga zona – si dhe rreth 5,000 pjesë të pajisjeve ushtarake, armatimit dhe aseteve të tjera.
Shtëpia e Bardhë përshëndeti atë që e quajti një “fitore të jashtëzakonshme”, ndërsa presidenti ukrainas Volodymyr Zelensky e quajti atë një “ditë historike”.
