Të paktën 21 persona, përfshirë 10 fëmijë, kanë ndërruar jetë nga një zjarr në një ndërtesë në një kamp refugjatësh në Rripin e Gazës.
Një zyrtar lokal i sigurisë i tha BBC-së se një hetim fillestar sugjeroi se kishte një rrjedhje gazi nga një kuzhinë.
Jabalia është një nga tetë kampet në Gaza.
Dr Abu Laila, drejtor i shërbimeve të urgjencës në Spitalin Indonezian në Gazën veriore, e përshkroi zjarrin si “të madh”, me video në mediat sociale që tregonin të gjithë ndërtesën të përfshirë nga flakët.
Një banor i zonës, i cili nxitoi në vendngjarje, tha se benzina ishte ruajtur në ndërtesë për një gjenerator.
Një dëshmitar okular i tha BBC-së: Është shumë e vështirë, fëmijët dhe gratë digjen pa mundësinë për t’i shpëtuar.
Sipas zyrtarit të sigurisë, familja kishte festuar kthimin e një të afërmi të tyre nga jashtë.
Zjarret vdekjeprurëse, shpesh të shkaktuara nga qirinjtë, janë bërë një dukuri e rregullt në Gaza për shkak të mungesës së madhe të energjisë elektrike.
Këto janë të lidhura me bllokadën e vendosur në territor nga Izraeli dhe Egjipti dhe mosmarrëveshjet e brendshme politike palestineze.
