Forcat ruse në tokën ukrainase vazhdojnë bombardimet. Rusët kanë goditur Kievin, Odessa Dnipro dhe Zaporizhzhia ku ka pasur 7 viktima.
Por shqetësimi është edhe për të ftohtin e madh që vjen. Reshjet e para të borës në Kiev si dhe fillimi i dimrit do të ndikojnë në operacionet e luftës, si dhe në jetën e civilëve, duke pasur parasysh, bastistjet e përsëritura të Moskës në rrjetin energjetik të Ukrainës.
“Për momentin ka mbi dhjetë milionë ukrainas pa energji elektrike”, njoftoi Presidenti Zelensky në mesazhin e tij të mbrëmjes, duke specifikuar se ndërprerjet e energjisë kryesisht përfshijnë rajonin e Kievit. Shenjat e vetme të relaksimit vijnë nga Ankaraja ku presidenti Erdogan ka konfirmuar rinovimin e marrëveshjes për grurin, e cila zgjatet edhe për 120 ditë të tjera. “Është thelbësore për sigurinë globale të ushqimit,” tha Erdogan.
