Mbyllet në barazim pa gola sfida mes Kroacisë dhe Marokut, e vlefshme për grupin F.
Ishte minuta e 17-të kur u krijua rasti i parë serioz në ndeshje, me Ivan Perisic që nuk arriti të mposhte portierin maroken.
Kroacia më pas rrezikoi nëpërmjet Nikola Vlasic (45+1’), por gjuajtja e tij u ndal nga sërish gardiani Bono.
Në pjesën e dytë, Maroku krijoi rastin e parë në minutën e 51-të, kur Noussair Mazraoui nuk ia doli ta mposhte nga afër Dominik Livakovic.
Të dyja skuadrat u munduan deri në fund që të shënonin golin e fitores, por që të dyja portat mbetën të paprekura, duke marrë secila nga një pikë.
Ndeshja e parë në Grupin F përfundoi pa fitues, derisa do të mësohet më pas edhe fati i takimit mes Belgjikës dhe Kanadasë.
