Opozita ka paralajmëruar protestë më 6 Dhjetor në një kohë ku në Tiranë pritet të zhvillohet edhe samiti BE-Ballkani Perëndimor.
Avokati Spartak Ngjela ka komentuar pikërisht këtë, duke deklaruar se ka kohë që Berisha nuk është më me Bashkimin Europian, që mes të viteve 1984.
“Ajo është një protestë kundër Bashkimit Europian. Ka kohë që Berisha nuk është më me Bashkimin Europian, ka që në mes të viteve 1984, ai nuk është më me perëndimin dhe kjo gjë është e provuar. Por, a do ta bëjë Berisha atë protestë? Nuk do ta bëjë dot, sepse ka një ligj për protestat, kur bënë një protestë duhet që të marrësh leje në shtet. Dhe në këtë rast shteti nuk i jep leje disa antiperëndimorëve që të bëjnë protestë”, tha ai.
I pyetur lidhur me akuzat e ish-kryeministri Sali Berisha ndaj ambasadorit të Mbretërisë së Bashkuar në Tiranë, Sir Alastair King-Smith, për të cilin ka thënë se mund ti çoj 100 mijë vetë tek ambasada, ai tha se këto deklarata tregojnë ç’thurje.
“Këto deklarata janë ç’thurje mendore. Seç kishte thënë ca deklarata të tjera edhe për përmbytjet në Shkodër, nuk duhet me u marr fare me të”, tha ai.
