Marrja e nënshtetësisë shqiptare nga artistja me famë botërore Dua Lipa ka bërë jehonë në mediat ndërkombëtare.
E përditshmja angleze Daily Mail shkruan:
“Dua Lipa ka marrë nënshtetësinë shqiptare nga presidenti i Shqipërisë për atë që ai tha se ishte roli i yllit të popit britanik në përhapjen e famës së shqiptarëve ndërkombëtarisht përmes muzikës së saj.
Këngëtarja 27-vjeçare ka lindur në Londër në vitin 1995 nga prindër shqiptarë që ikën nga konflikti dhe paqëndrueshmëria politike në Ballkan dhe Kosovë.
Ajo shpesh herë e ka përmendur me krenari origjinën e saj shqiptare në Instagram dhe në intervista për shtyp. Ajo gjithashtu shijon udhëtimet familjare në vend – dhe merr pjesë në tradita të tilla si psh. mbajtja e një gote në kokë ndërsa kërcen.
Dua mori nënshtetësinë përpara 110-vjetorit të pavarësisë së Shqipërisë , ku presidenti Bajram Begaj tha se e konsideronte një nder ta bënte këtë, sepse këngëtarja i ka bërë shqiptarët të famshëm në mbarë botën.”
