Dua Lipa ka treguar se ishte e pakënaqur me ‘spekulimet’ se do të performonte në Kampionatin Botëror shumë të diskutueshëm. Vendimi i FIFA-s për të mbajtur Kampionatin Botëror në Katar është rrethuar nga polemika – veçanërisht në lidhje me punëtorët emigrantë dhe komunitetin LGBTQ+, raporton DailyMail.
Këngëtarja shqiptare, e cila ka hedhur poshtë spekulimet se do të ngjitet në skenë në Doha, deklaroi se megjithëse nuk ka asgjë kundër Katarit nuk mund të performojë pasi ‘vërtet bie ndesh me bindjet e saj’.
Duke folur për Variety, Dua tha: “Kampionati Botëror është një mundësi vërtet unike për të kërkuar llogari nga Katari. Ata u zotuan për të drejtat e njeriut kur nënshkruan marrëveshjen për Kupën e Botës, të cilat nuk janë përmbushur në mënyrë të kënaqshme për të drejtat e punëtorëve emigrantë, të drejtat e grave, të drejtat LGBTQ+ dhe lirinë e shprehjes”.
“Çfarë mesazhi dërgon nëse këto premtime nuk do të thonë asgjë?”, tha këngëtarja me origjinë shqiptare. Ylli i hitit “Neë Rules” shtoi se megjithëse nuk ka vullnet të keq kundër vendit, asaj “nuk i pëlqente të ishte mes spekulimeve se do të performonte për diçka që bie në kundërshtim me besimet e saj”.
