Zana Avdiu, aktivistja nga Kosova e njohur në rrjet si feministe për statuset e saj që ngjallin polemika ndaj mbrojtjes së imazhit të grave, ka goditur sërish me një deklaratë të fundit për futbollistin shqiptar Granit Xhaka.
Ajo tha më herë në një status publik se gjesti i shumëpërfolur i futbollistit kundrejt skuadrës serbe ishte një gjest rrugaçëror. Avdiu u kryqëzua në rrjet për këtë deklaratë të saj të cilën e ka sqaruar publikisht. Aktivistja u shpreh se gjesti i Xhakës ku prekte organin gjenital paraqiste dhunë seksuale.
“Ai gjest i Xhakës paraqet sulm seksual, paraqet dhunë seksuale. Kemi pasur shumë momente tjera që mund të ishim ndjerë krenar në atë ndeshje”, deklaroi Avdiu.
Kjo nuk është hera e parë që Zana Avdiu merr vëmendje me statuset e saj në rrjetet sociale. Ndër ata më të bujshmit ka qenë rasti i vajzës nga Librazhdi e cila u kap në shtratin e tradhtisë nga vjehrrit me të dashurin e saj. Avdiu në atë kohë e ftonte vajzën të bëhej aktiviste dhe “të çlironte edhe vajzat e tjera” që kanë të njëjtën jetë si ajo.
